ආක්ෂේගේ පුතු පසුපස පැපරාසීන්


2017-04-09 09:48:00
ජිව් භාතියාගේ වැඩිමල් පුත්‍රයා තමයි, ආරව් භාතියා. කවුරුන්ද මේ ‘රජිව් භාතියා’? ඔහු තමයි බොලිවුඩ්පුරයේ සුපිරි නළු ආක්ෂේ කුමාර්. ඔහුගේත් ජනප්‍රිය නිළියක වන ට්වින්කල් ඛන්නාගේත් වැඩිමල් පුතු තමයි ආරව්. යොවුන් වියෙහි පසුවන ආරව්ට දැන් සම වයසේ මිතුරු මිතුරියන් රැසක්ම සිටිනවා. පියාගේත් මවගේත් ජනප්‍රියත්වය නිසා ඔහු සමඟ මිතුරු සමාගම් පවත්වන්නට කවුරුත් කැමැතියි. දැන් ඔහුට නිතරම පාහේ සාදවලට ඇරයුම් ලැබෙනවා. එවැනි අවස්ථාවලට සහභාගිවන නිසා පැපරාසි කැමරා කරුවනුත් ඔහු පසුපස දැවටෙමින් සිටින ස්වරූපයක් පෙනෙනවා. මෑතකදී ඔහු, මිතුරු මිතුරියන් පිරිවරාගෙන චිත්‍රපටයක් නරඹන්න ගියා. චිත්‍රපටය නරඹා සිනමා හලෙන් පිටතට පැමිණෙද්දී ඒ අසල රැක සිටි කැමරා ශිල්පීන් කිහිප දෙනෙකු ඔහුගේ ඡායාරූප ගන්නට ප්‍රමාද වුණේ නැහැ. කැමරා එළි දැල්වෙන විට ඒ දෙස ලැජ්ජාවෙන් බලා මුහුණු රතු කරගෙන සිනාසුණු ආරව්, වහාම තම මෝටර් රථයට පිය නැඟුවා. ඔහු කිසිම අයුරකින් නපුරු මුහුණක් නම් පෙන්නුවේ නැහැ. නමුත්, වෙනත් බොහෝ අවස්ථාවලදී සිදුවී ඇත්තේ මෙහි අනෙක් පැත්තයි. සමහර නළු නිළියන්ගේ යොවුන් දරුදැරියන් මෙලෙස කැමරාවලට හසුවුවහොත් ඔවුන්ගෙන් කැමරා ශිල්පීන්ට ලැබුණේ ආවේගාත්මක ප්‍රතිචාර.

ආරව්, පැපරාසීන්ට හසුවූ මුල්ම අවස්ථාව මෙය නොවෙයි. මීට පෙර කිහිප වතාවකදීම ඔහු නොසිතූ අයුරින් කැමරාවලට හසුවී තිබෙනවා. නමුත් ඒ කිසිදු මොහොතක ඔහු කේන්ති ගත්තේ නැහැ. ලැජ්ජාවෙන් සිනාසී ඉවතට දිව යෑම පමණයි ඔහු දැක්වූ ප්‍රතිචාරය වුණේ. ආරව්ගේ මව (ට්වින්කල් ඛන්නා) පවසන්නේ තම පුතු විහිළු තහලු කිරීමට බෙහෙවින් කැමැති බවයි. “මම නිතරම පුතාට කියන්නෙ වැඩිහිටියන්ට ගරු කරන්න ය කියලයි. පුතා ක්‍රීඩාවලට, බාහිර වැඩවලට දක්ෂයි.” ට්වින්කල් එලෙස කීවේ කෙටි කතාබහකදී.
Wmqgd .ekSu is¿ñK mqj;a m; weiqfrks

Main page l   Bollywood Sinhala Articles    Bollywood Photos    

o
Copyright © 2016 Gigies (Pvt) Ltd. All Rights Reserved
Email - webmaster@tharunaya.co.uk
Hot Line - 011 20 40 400
Design and Devoloped by:
Gigies(Pvt)Ltd