Home / බොලිවුඩ් ගොසිප් / රූගත කිරීමකදී ජැකලින් අනතුරක

රූගත කිරීමකදී ජැකලින් අනතුරක

2018-04-11 11:06:00       568
feature-top
ස්කොෂ් ක්‍රීඩා කරද්දී එයටම විශේෂ වූ ඇස් කණ්ණාඩියක් පැලඳ ගන්න ඕනෙ. ජැකලින් ෆර්නැන්ඩස් එවැන්නක් පැලඳ නොගත්තා ද දන්නෙ නැහැ. චිත්‍රපට රූගත කිරීමකදී ඇගේ ඇසක් තුවාල වුණේ ඒ නිසාද?

ඒ ගැන මෙතෙක් කිසිවක් ප්‍රකාශ වී නොතිබුණත් මේ දිනවල රූගත වන ‘රේස් - 3’ චිත්‍රපටයේ ස්කොෂ් ක්‍රීඩාවක යෙදී සිටින දර්ශනයක රඟපාද්දී ජැකලින්ගේ දකුණු ඇසට තුවාලයක් සිදුවූ බව නම් ඇත්තක්. සල්මන් ඛාන් සහ රමේෂ් ටවුරානි නිෂ්පාදනය කරන මේ චිත්‍රපටය අධ්‍යක්ෂණය කරන්නේ රෙමෝ ඩි සූසා. සල්මන් ඛාන්, බොබි ඩියොල්, සකිබ් සලීම් සහ ඩේසි ෂා රඟන ‘රේස් - 3’ චිත්‍රපටයේ රූගත කිරීම් කිහිපයක් සිදුවුණේ අබුඩාබ් නගරයේදීයි. ත්‍රාසජනක රංගනයන් ඇතුළත් වන මේ චිත්‍රපටයේ එක්තරා දර්ශනයක ජැකලින්ට නියමිත ව තිබුණේ ස්කොෂ් ක්‍රීඩිකාවක ලෙස රඟන්නයි. “ස්කොෂ් ක්‍රීඩාව කරද්දි ඇස් කණ්ණාඩි (ගොග්ල්ස්) දාගන්න ඕනෙ. තමන්ගෙ ප්‍රතිවාදී ක්‍රීඩකයා පන්දුවට පහර එල්ල කරනකොට ඒ දිහා බලන්න බැහැ.” ජැකලින් ඒ කාරණය පමණයි ප්‍රකාශ කර තිබුණේ.

“ඒක ‍පොඩි තුවාලයක්. ජැකලින්ගෙ දකුණු ඇසේ උඩ කොටසයි තුවාල වෙලා තිබුණේ. දැන් එයාට හොඳයි.” චිත්‍රපටයේ නිෂ්පාදකවරයෙකු වන මහේෂ් ටවුරානි එලෙස පැවසුවා. අනතුර සිදුවූ හැටියේ ම රෝහලට රැගෙන ගිය ජැකලින්ට ප්‍රතිකාර ලබාදී තිබෙනවා. ඉන්පසුව ‘රේස් - 3’ දර්ශනය තලයට පැමිණි ඇය, නැවතත් රඟපෑම්වලට එක්වූ බවයි චිත්‍රපටයේ නිෂ්පාදකවරුන් පැවසුවේ. ජැකලින්ගේ දකුණු ඇසට උඩින් සිදුවූ තුවාලය පෙනෙන නිසා ඇතැම් දර්ශනවල රඟපාද්දී ඇයට අව් කණ්ණාඩිය පැලඳීමට සිදුවුණා.

උපුටා ගැනීම සිළුමින පුවත් පත ඇසුරෙනි

More News »