Home / බොලිවුඩ් ගොසිප් / ඉර්ෆාන්ට දුලබ රෝගයක්?

ඉර්ෆාන්ට දුලබ රෝගයක්?

2018-03-20 11:48:00       255
feature-top
ඉර්ෆාන් ඛාන් ඔබට මතකද? ‘ස්ලම් ‍ඩෝග් මිලියනර්’, ‘පිකු’, ‘මක් බූල්’ වැනි චිත්‍රපට ඇතුළු තවත් නිර්මාණ 100 කට පමණ සිය රංගන ප්‍රතිභාව එක් කළ මේ දක්ෂ රංගන ශිල්පියා අසනීපව සිටින බවයි, බොලිවුඩ් පුරයෙන් ලැබුණු ආරංචියක සටහන් වුණේ. පසුගිය සතියේ ට්විටර් පිටුවෙහි සටහනක් තැබූ ඔහු පැවසුවේ තමන්ට වැළඳී ඇත්තේ දුර්ලභ ‍රෝගයක් බවයි.

“සමහර වෙලාවට අපි අවදිවන්නේ තිගැස්මකට ලක් වෙලා. පසුගිය සති දෙකක කාලය තුළ මගේ ජීවිතය ගත වුණේ සැක සංකාවලින් පිරුණු කතන්දරයක් වගෙයි. මට වැළදී තියෙන්නේ දුර්ලභ රෝගයක්. මම ඒ නිසා ජීවිතයෙන් පලා යන්නෙ නැහැ. මගේ පවුලේ අයයි, හිතවත් පිරිසයි මාත් එක්ක ඉන්නවා. මේ හැමෝම එකතු වෙලා මේ ‍රෝගය සුව කරගන්න උත්සාහ ගන්නවා. මේ රෝග තත්ත්වය සතියකින් දෙකකින් හොයා ගන්න බැරි වේවි. තවදුරටත් පරීක්ෂණ කරලා හොයාගන්න පුළුවන් වේවි. එතෙක් මා වෙනුවෙන් ආශිර්වාද කරන්න.”

මේ වනවිට 51 වැනි වියෙහි පසුවන ඉර්ෆාන් එලෙස ට්විට්කර තිබුණා. මේ සටහන තැබීමෙන් පසුව පළවූ දූෂමාන ආරංචියක් පැවසුවේ ඉර්ෆාන්ට සෙංගමාලය වැළඳී ඇති බවයි. එහෙත් එය අසත්‍ය පුවතකැයි පසුව වාර්තා වුණා. අන්තිමේදී ඉර්ෆාන් පිළිබඳව පළවී තිබුණේ සිත් කම්පා කරවන පුවතක්. ඔහුගේ රෝගී තත්ත්වය පරීක්ෂා කළ වෛද්‍යවරු ප්‍රකාශ කළේ දුර්ලභ ව වැළඳිය හැකි මොලයේ පිළිකා තත්ත්වයකට ඔහු ගොදුරු වී ඇති බවයි. ඒ බව එම්.ආර්.අයි. ස්කෑන් පරීක්ෂාවකින් පසුව තහවුරු වී ඇතැයි ද වෛද්‍යවරු ප්‍රකාශ කළා.

උපුටා ගැනීම සිළුමින පුවත් පත ඇසුරෙනි

More News »