Home / බොලිවුඩ් ගොසිප් / දිලිප්ගේ දුක සැප විමසන ශාරුක්

දිලිප්ගේ දුක සැප විමසන ශාරුක්

2018-03-02 10:28:00       210
feature-top
ප්‍රවීණ රංගන ශිල්පී දිලිප් කුමාර් මේ වනවිට වයෝවෘද්ධව දුර්වල සෞඛ්‍ය තත්ත්වයෙන් යුතුව කල් ගෙවන බව කිසිවකුටවත් රහසක් නොවෙයි. මෑතකදී වැලඳුණු විජලන තත්ත්වයක් නිසා රෝහල් ගත කළ මේ ප්‍රවීණ කලාකරුවා, සුවය ලබා යළි නිවසට පැමිණියා.

ඔහුගේ දුක සැප නිතරම සොයා බලමින් ඔහු ළඟ එදා මෙන් ම අදත් රැඳී සිටින්නේ ප්‍රිය බිරිය ප්‍රවීණ නිළි සයිරා බානුයි. දිලිප් කුමාර් අසනීප වූ විට ඔහුගේ සුව දුක් විමසන්නට එදා ‍ඔහු සමඟ සිනමා ක්ෂේත්‍රයේ නියැළී සිටි කලාකරුවන් සහ කලාකාරියන් ද නිරතුරුවම පැමිණෙනු දකින්න ලැබුණා.

ඒ අතරින් බොලිවුඩ් සිනමාවේ ජනප්‍රියත්වයේ ඉහළින්ම සිටින ශාරුක් ඛාන් ව කැපී පෙනෙනවා. ‍ඔහු, දිලිප් කුමාර් අසනීප වූ විටදී පමණක් නොවෙයි වසර ගණනාවක සිට මේ ප්‍රවීණ රංගධරයාණන්ව මුණ ගැසීමට, ඔහු සමඟ කතා බහ කරන්නට, ඔහු සහභාගි වන විශේෂ අවස්ථාවන්ට එක්වීමට අමතක කළේ නැහැ.

කෙතරම් කාර්ය බහුල තත්ත්වයක සිටියත් එවැනි අවස්ථාවන් ශාරුක්ගෙන් මග හැරුණේ නැහැ. මේ නිසා දිලිප් කුමාර් සහ සයිරා බානු යුවළත් ශාරුක් වෙත දක්වන්නේ තමන්ගේ පුත්‍ර‍යකුට දක්වන අන්දමේ ආදරයක්.

උපුටා ගැනීම සිළුමින පුවත් පත ඇසුරෙනි

More News »