Home / බොලිවුඩ් ගොසිප් / කුලිය නොගෙවා එළියට දමලා

කුලිය නොගෙවා එළියට දමලා

2018-01-26 10:24:00       209
feature-top
ජනප්‍රිය නිළි, මල්ලිකා ෂෙරවට් දැන් පදිංචි වී සිටින්නේ ඉන්දියාවේද? එහෙමත් නැත්නම් ප්‍රංශයේ ද? පසුගියදා බොලිවුඩයෙන් ලද උණුසුම් පුවතක සටහන් වූ තොරතුරු අනුව නම් ඇය වෙසෙන්නේ ප්‍රංශයේ පැරිස් නුවරයි. ඒ පුවතෙහි දැක්වුණේ පැරිස් නුවර නිවසක් කුලියට ගෙන සිටි මල්ලිකා ෂෙරවට් එයින් ඉවත් කර ඇති බවයි. ඇය විසින් නිසි ලෙස කුලිය නොගෙවීම නිසා උසාවි නියෝගයක් මත තමයි ඇය සහ ඇගේ සැමියා වන ප්‍රංශ ජාතික සිරිල් ඔක්සන්ෆෑන්ව ඉවත්කර ඇත්තේ.‍ මෙම නවීන නිවසෙහි අයිතිකරු උසාවියෙහි පැමිණිල්ලක් ගොනු කරමින් ප්‍රකාශ කර ඇත්තේ මල්ලිකා සහ ඇගේ ප්‍රංශ ජාතික සැමියා 2017 වසරේ ජනවාරි මාසයේදී තමන් සතු නිවස යුරෝ 6,054 ක මාසික කුලී පදනම මත ලබාගත් බවයි. නමුත් ඔවුන් මුලදී යූරෝ 2, 715 ක මුදලක් පමණක් තමන් වෙත ලබාදුන් බවත් ඉන් පසුව කිසිදු ගෙවීමක් තමන් වෙත නොකළ බවත් ඔහු පවසනවා. මේ අනුව ගතවූ වසරක කාලය තුළ සිරිල් සහ මල්ලිකා ෂෙරවට් ගෙන් තමන්ට යූරෝ 78,787 ක් හෙවත් ඇමෙරිකානු ඩොලර් 94,000 ක මුදලක් ලැබිය යුතුව ඇතැයි මේ අයිතිකරු තවදුරටත් පවසනවා. මේ ප්‍රමාණය ඉන්දියානු මුදලින් රුපියල් ලක්ෂ 61 ක වටිනාකමක් බවයි පැවසෙන්නේ.

මේ පැමිණිල්ල ගොනු කිරීමෙන් පසුව මල්ලිකා ෂෙරවට් කීවේ මෙවැනි කතාවක්... “මම කවදාවත් පැරිස් නුවරින් ගෙයක් කුලියට ගත්තේ නැහැ. මට තේරෙන්නෙ නැහැ, මේ වගේ දේවල්වලට මාව පටලව ගන්නෙ ඇයි කියලා. සිරිල් ඔක්සෙන්ෆෑන් මගේ සැමියා නෙමෙයි. මගේ හිතවතෙක්.” ධනකුවේරයකු වන සිරිල් ඔක්සෙන් ෆෑන් සහ මල්ලිකා අතර පෙම් සබඳකමක් පවතින බව මීට පෙර ආරංචි පැතිරී ගියා.

උපුටා ගැනීම සිළුමින පුවත් පත ඇසුරෙනි

More News »