Home / බොලිවුඩ් ගොසිප් / ඓශ්වර්යා රඟද්දී සහය අදියුරුට තුවාල

ඓශ්වර්යා රඟද්දී සහය අදියුරුට තුවාල

2017-11-22 10:44:00       259
feature-top
ජංගම දුරකතන, ඉයර්ෆෝන් භාවිතා කරමින් මග තොටේ ගමන් කිරීම අනතුරුදායක බව දැන දැනත් ඒ වරද කළ ‘ෆැටෝ ඛාන්’ චිත්‍රපටයේ සහය අධ්‍යක්ෂවරියක තුවාල ලබා ඇති බවයි ආරංචි.

ඓශ්වර්යා රායි අනිල් කපූර් සහ රාජ්කුමාර් රාඕ ප්‍රධාන චරිත නිරූපණය කරන අතුල් මන්ජේරේකර් අධ්‍යක්ෂණය කරන ‘ෆැ‍ෙන් ඛාන්’ චිත්‍රපටයේ දර්ශන කිහිපයක් පසුගිය දා මුම්බායි නුවර රූගත වුණා. මුම්බායි හි ෆ්ලෝරා මවුන්ටන් ප්‍රදේශයේ රූගතවූ එක්තරා දර්ශනයක ‍ඓශ්චර්යා කුලී රියක් නතර කිරීමේ අවස්ථාවක් ලැබුණා. ඇය එම දර්ශනයේ රඟපාද්දී ඒ අසලින් චිත්‍රපටයේ සහය අධ්‍යක්ෂවරියක් රැඳී සිටියේ ඉයර් ෆෝන් එකකුත් දමාගෙනයි. දර්ශනය රූගතවී නිමවීමත් එක්ක ම ඇය පාර හරහා ගමන් කළා. එවිට ම ඇය වෙත වේගයෙන් ළඟා වෙමින් තිබුණේ මෝටර් සයිකලයක්. එහි ශබ්දය සහය අධ්‍යක්ෂවරියට නොඇසුණේ ඉයර් ෆෝන් කට්ටලය නිසයි. වේගයෙන් පැමිණි මෝටර් සයිකලය ඇයව හප්පාගෙන ඉදිරියට ගියා. සහය අධ්‍යක්ෂවරිය බිම ඇද වැටුණේ දරුණු තුවාල සහිතවයි. එවිට ම ක්‍රියාත්මක වූ චිත්‍රපටයේ අධ්‍යක්ෂවරයා ඇතුළු කණ්ඩායම වහාම ඇයට ප්‍රථමාධාර ලබාදී ඇයව රෝහල් ගත කළා. අධ්‍යක්ෂ මන්ජ්රේකර් පැවසුවේ සහය අධ්‍යක්ෂවරිය ඉක්මණින් ම සුවය ලබා යළි රූගත කිරීම් කටයුතුවලට පැමිණේවි කියලයි.

උපුටා ගැනීම සිළුමින පුවත් පත ඇසුරෙනි

More News »