Home / බොලිවුඩ් ගොසිප් / ප්‍රියංකා නූලෙන් බේරෙයි

ප්‍රියංකා නූලෙන් බේරෙයි

2017-11-21 10:45:00       202
feature-top
ඇමරිකාවේ මැන්හැටන් ප්‍රදේශයේ සිදුවූ ත්‍රස්ත ප්‍රහාරය නිසා ප්‍රියංකා චොප්රාගේ සිත ද සසල වෙලා. මේ සුරූපී සුපිරි තරුව මේ වන විට තාවකාලිකව පදිංචිව සිටින්නේ මැන්හැටන් ප්‍රදේශයේමයි. ඇය කුලියට ගන්නා ලද සුඛෝපභෝගී නිවසේ තමයි රැඳී සිටින්නේ.

ඇමරිකානු ජනප්‍රිය ටෙලි නාට්‍ය මාලාවක් වන ‘ක්වොන්ටිකෝ’ හි තුන්වැනි අදියරේ රූගත කිරීම්වල රඟපාන නිසයි, ප්‍රියංකා එලෙස මැන්හැටන්වල සිටින්නේ. මේ රූගත කිරීම්වලට එක්වී සිටි ඇය එම වැඩ කටයුතු නිම කර ආපසු නිවස වෙත එද්දීයි, ත්‍රස්ත ප්‍රහාරයක් සිදුවූ බව දැනගෙන ඇත්තේ. (මේ ත්‍රස්ත ප්‍රහාරයෙන් 8 දෙනෙකු මියගොස් 11 දෙනකු තුවාල ලබා තිබුණා.)

“මේක සිද්ධ වුණේ මගේ ගෙදර ඉඳලා තවත් ගෙවල් 5 කට එහායින්. මම ‘ක්වොන්ටිකෝ’ රූගත කිරීම් ඉවර වෙලා ආපසු එද්දි මේ කලබලය දැක්කේ. ප්‍රහාරයෙන් විපතට පත්වුණු හැම දෙනාටම මගේ ශෝකය පළ කරනවා.” ප්‍රියංකා එලෙස ට්විට්ස් කර තිබුණා. මෙම ත්‍රස්ත ප්‍රහාරය එල්ලවී තිබෙන්නේ ඇය තම නිවසට පැමිණෙන්නට විනාඩි කිහිපයකට කළින්.

උපුටා ගැනීම සිළුමින පුවත් පත ඇසුරෙනි

More News »