Home / බොලිවුඩ් ගොසිප් / අසම්මත කතාව ඇත්තක් ද?


අසම්මත කතාව ඇත්තක් ද?


2017-09-18 09:59:00       702
feature-top
සුරූපී නිළි කන්ගනා රනවුත් සහ සුපිරි නළු රිතික් රෝෂන් අතර ඇවිලී ගිය දබරය කාටත් මතකයි. එහි රශ්මිය නිවී යෑමත් සමඟම තවත් ගිනි දැල්ලක් ඇවිළිලා. හැබැයි මෙය පැරැණි පෙම් කතාවක්. හෙළි වී ඇත්තේ මෑතකදී, අහම්බෙන්. ජනප්‍රිය නළු ආදිත්‍ය පන්චෝලි සහ කන්ගනා අතර තිබුණු අසම්මත ආදරයක් ගැනයි මේ කතාවෙන් හෙළි වී ඇත්තේ.

කන්ගනා රනවුත් බොලිවුඩ් සිනමාවට හඳුන්වා දුන්නේ ආදිත්‍ය පන්චෝලියි. එය බොලිවුඩ් පුරයේ බොහෝ දෙනකු දන්නා දෙයක්. නමුත්, ඔවුන් දෙදෙනා අතර සබඳකමක් පැවතුණාදැයි කිසිවකු මෙතෙක් දැන සිටියේ නැහැ. එවැන්නක් කිසිවකු නොසිතුවේ ආදිත්‍ය සහ කන්ගනා අතර තිබෙන වයස් පරතරය නිසා. ආදිත්‍ය උපන්නේ 1965 දී. කන්ගනා 1987 දියි උපත ලැබුවේ. දෙදෙනා අතර පැවතුණායැයි කියවෙන මේ සබඳකම හෙළි වී ඇත්තේ කන්ගනා පැවසූ කතාවක් රැගත් කැසට් පටයක් හමුවීමෙන්. මෙහි කන්ගනා පවසා ඇති අන්දමට ඇයට මුලින්ම ආදිත්‍යව හමුවී ඇත්තේ 2004 ජූනි 27 දා. දැඩි වර්ෂාපතනයක් පැවතුණු එදා ආදිත්‍ය තම මෝටර් රථය මුම්බායිහි ජූහු ප්‍රදේශයේ එක්තරා ගොඩනැඟිල්ලක ඉදිකිරීම් කටයුතු නිරීක්ෂණය කරමින් සිටි බව පැවසෙනවා. ඒ ගොඩනැඟිල්ල ඔහුගේ සමීප මිතුරකුගේලු.

ආදිත්‍යගේ මෝටර් රථයට මඳක් නුදුරින් සාප්පුවක වහලය යට නවතා තිබුණු මෝටර් බයිසිකලයක වාඩිවී සිටි එක්තරා යුවතියක් ආදිත්‍යව දැක තිබෙනවා. ඇය ඔහු වෙත පැමිණ තමන්ව හඳුන්වා දුන්නා.

“හායි! මම කන්ගනා රනවුත්. මම කැමැතියි ඔයාත් එක්ක කතා කරන්න.” ඒ වන විට 18 වැනි වියෙහි පසුවූ කන්ගනාට අනුව ආදිත්‍ය සමඟ ඇය සබඳකමකට මුල පුරා ඇත්තේ එලෙසින්ලු. ඒ වන විට සිනමාවට පා තබා නොසිටි කන්ගනාට ඉදිරියට යන්නට මඟ පාදා දී ඇත්තේ ආදිත්‍යයි.

එතැනින් ඇරැඹුණු ආදිත්‍ය - කන්ගනා සබඳකම දුරදිග ගියේ ආදිත්‍යගේ විවාහ ජීවිතය ද කඩා බිඳ දමමින්. තමන්ට වසඟ වූ ආදිත්‍ය, ඔහුගේ බිරිය වන සරීනා ගෙන් වෙන්ව ජීවත් වූ බවයි කන්ගනා පවසන්නේ. කන්ගනා තව දුරටත් පවසා ඇත්තේ ආදිත්‍ය තමන් වෙනුවෙන් තට්ටු නිවාස සංකීර්ණයක නිවසක් මිලදී ගෙන තමන්ව එහි නතර කර තැබූ බවයි. කිසිදු පිටස්තර අයකුට එම නිවෙසට යාම තහනම් කළ ආදිත්‍ය, බිරියගෙන් වෙන්වී තමන් සමඟ විසූ බවත් මේ යොවුන් නිළිය පවසනවා.

කෙසේ වෙතත්, ආදිත්‍ය මේ කතා තරයේ ප්‍රතික්ෂේප කරනවා. පසුගිය සතියේ ඔහු ප්‍රකාශ කළේ කන්ගනාගේ මේ කතන්දරවලට එරෙහිව නීතිමය ක්‍රියාමාර්ගවලට යොමු වීමට තමන් තීරණය කර ඇති බවයි. ඒ සඳහා තම බිරියගේ සහාය ද ලැබෙන බවත් ඔහු පැවසුවා.

Wmqgd .ekSu is¿ñK mqj;a m; weiqfrks

More News »