Home / බොලිවුඩ් ගොසිප් / කරීනා, ඕමන්ගේ සිහිනය බොඳ කරයි


කරීනා, ඕමන්ගේ සිහිනය බොඳ කරයි


2017-08-26 10:44:00       716
feature-top
සුන්දර ස්විට්සර්ලන්තයේ සිරි නරඹමින් දින කිහිපයක් ගත කළ සුරූපී නිළි කරීනා කපූර් මුම්බායි නුවරින් සිය රටට පැමිණියේ තවත් චිත්‍රපටයක රංගනයට පිවිසෙන්න හිතාගෙන. ඕමන්ග් කුමාර් නම් වූ ප්‍රවීණ චිත්‍රපට අධ්‍යක්ෂවරයාගේ අලුත්ම චිත්‍රපටයේ ප්‍රධාන නිළිය හැටියටයි කරීනාව තෝරාගෙන තිබුණේ. ඒ නිසා විදේශ සංචාරයෙන් පසුව ඇය ඉක්මනින්ම ඔහුව හමුවුණා.

කරීනා, මේ අධ්‍යක්ෂවරයා යටතේ අවසන් වතාවට රඟපෑවේ ‘වීර් ඩි වෙඩින්’ චිත්‍රපටයේ. ඉතින්, ඒ චිත්‍රපටයේ රංගනයෙන් ලද ප්‍රශංසා නිසාම ඇය තීරණය කළා ඕමන්ග්ගේ ඊළඟ චිත්‍රපටයේ රංගනයට කැපවෙන්න. ඔහුගේ අලුත් චිත්‍රපටයට තවමත් නමක් යොදා නැහැ. නමුත් එය සැබෑ චරිතයක් පදනම් කරගත් කතාවක් මුසු වූ සිනමා නිර්මාණයක් බව කරීනා දැන සිටියා. ඇය, ඕමන්ග් සමඟ මේ ගැන සාකච්ඡා කළා. ඉන් පසුව තිර නාටකයද විමසිල්ලෙන් කියවා බැලුවා. යළි ඕමන්ග් කුමාර් ව හමු වූ කරීනා ඔහුට කාරුණිකව කියා සිටියේ තමන්ට එම චිත්‍රපටයේ රඟපෑමට නොහැකි බවයි. එයට හේතුව ඇගෙන් පැහැදිලි කෙරුණේ නැහැ. තතු දන්නා අය පවසන්නේ තිර රචනයේ සඳහන් ඇතැම් රංගනයන්ට, කරීනාගේ අකැමැත්තක් පැවැති බවයි. ‘වීර් ඩි වෙඩින්’ චිත්‍රපටයේ රඟපෑමෙන් පසුව තමන් වෙත ලැබුණු කිසිදු තිර රචනයකට කරීනා තුළ ප්‍රසාදයක් නොතිබූ බවත් පැවසෙනවා.

කරීනාගේ අකැමැත්ත පිළිගත් ඕමන්ග් කුමාර් දැන් වෙනත් නිළියකගේ රංගනයන් තම චිත්‍රපටයට එක්කර ගන්නට උත්සාහ දරමින් සිටිනවා. මේ දිනවල ඔහු ප්‍රියංකා චොප්රා, දීපිකා පදුකෝන්, ආලියා භාට්, ක්‍රිටි සැනන්, කන්ගනා රනවුත් සහ තවත් ජනප්‍රිය නිළියන් සමඟ කතාබහ කරමින් පසුවන්නේ ඒ වෙනුවෙන්.

Wmqgd .ekSu is¿ñK mqj;a m; weiqfrks

More News »