Home / බොලිවුඩ් ගොසිප් / පරිනීතිගේ ලොකුම බොරුව


පරිනීතිගේ ලොකුම බොරුව


2017-06-13 10:24:00       818
feature-top
පරිනීති චොප්රා පසුගියදා මාධ්‍ය හමුවකදී තමන් කුඩා කාලයේදී මුහුණ දුන් නොයෙකුත් බාධක කම්කටොලු ගැන විස්තරයක් කළා. ඇය ඒ මාධ්‍ය හමුවට එක්වුණේ සුපිරි නළු ආක්ෂේ කුමාර් සමඟයි. එහිදී පරිනීති හැඟුම්බරව ප්‍රකාශ කළේ පාසල් වියේදී ඇගේ දෙමවුපියන් ගත කළේ දුක්බර ජීවිතයක් බවයි. ඇගේ මෙම ප්‍රකාශයට ඉන්දීය මාධ්‍ය මඟින් ප්‍රසිද්ධියක් ලබා දී තිබුණා.

දින කිහිපයක් ගතවෙද්දී පරිනීතිගේ ප්‍රකාශයට ලැබුණේ දැඩි ප්‍රතිචාරයක්. ඇය සමඟ එකම පාසලේ ඉගෙනුම ලැබූ මිතුරකු මුහුණු පොත මඟින් මේ ප්‍රතිචාරය දක්වා තිබුණා. ඔහු කීවේ පරිනීති කුඩා කාලයේ පටන් හැදී වැඩුණේ වත්පොහොසත්කමින් නොඅඩු පවුලක බවයි. පරිනීතිගේ ප්‍රකාශය පිළිගත නොහැකි යැයි ද වැඩි දුරටත් ප්‍රකාශ කර තිබුණා.

පරිනීති තම දුක්බර ජීවිතය හෙළි කළේ මෙලෙසයි. “අම්බාලා කියන පුංචි ගමේ පවුලක තමයි මම උපත ලැබුවේ. පුංචි කාලෙදි මම ගොඩක් දුක් වින්දා. මගේ දෙමවුපියන්ට සල්ලි තිබුණෙ නැහැ. මම පාසල් ගියේ බයිසිකලෙන්. අපිට කාර් එකක් තිබුණෙ නැහැ. මගේ තාත්තා තමයි මාව බයිසිකලෙන් පාසලට එක්කගෙන ගියේ.” පරිනීතිගේ මේ ප්‍රකාශය සත්‍යයෙන් තොර යැයි ඇගේ පාසල් මිතුරා පැවසූ විට පරිනීති, ට්විටර් පිටුවෙන් ඊට ප්‍රතිචාර දැක්වූයේ මේ අයුරින්... “මට අවශ්‍ය වුණේ කුඩා දැරියන් සහ තරුණියන් වර්තමානයේ මුහුණ දෙන දුෂ්කරතා පෙන්වා දෙන්නයි.” ඇය ප්‍රකාශ කළේ එපමණයි. මුලින් පැවසූ කතාවල ඇත්ත - නැත්ත නම් පැහැදිලි කර තිබුණේ නැහැ.

Wmqgd .ekSu is¿ñK mqj;a m; weiqfrks

More News »