Home / බොලිවුඩ් ගොසිප් / ජූහි චවුලා ගී ගයයි


ජූහි චවුලා ගී ගයයි


2017-06-12 09:38:00       824
feature-top
අනූව දශකයේ ඉමහත් ජනප්‍රියත්වයක් ලබමින් බොලිවුඩ් සිනමාව දීප්තිමත් කළ සුරූපී නිළි ජූහි චව්ලා දිගු කලකට පසුව නැවතත් සිනමා රංගනයට එක්වී සිටිනවා. මෙවර ඇය රංගනයෙන් මෙන්ම ගායනයෙන් ද රසික ජනතාවට සමීප වන බවයි බොලිවුඩ් ආරංචි මාර්ග පවසන්නේ.

ජූහි රඟපාන්නේ දකුණු ඉන්දීය කණ්ණඩ චිත්‍රපටයකයි. ළමයින් වෙනුවෙන් නිර්මාණය කෙරෙන ‘වෙරි ගුඩ් 10/10’ නම්වූ මේ චිත්‍රපටය අධ්‍යක්ෂණය කරන්නේ යෂ්වාන්ට් සර්දේශ්පාන්ඩේයි. ජූහි මේ චිත්‍රපටයෙහි සංගීත ගුරුවරියක ලෙස රඟපානවා. එය ආරාධිත කෙටි රංගනයක් ‍බවයි පැවසෙන්නේ. “චිත්‍රපටය ආරම්භ වෙන්නේ ජූහිගේ රංගනයත් එක්කමයි. ඒ නිසා අපි මුලින්ම රූගත කළේ ජූහිගේ රඟපෑම්. මේ මාසෙ මුලදි අපි ඒ දර්ශන රූගත කළා. ජූහි ගීත ගායනා කරමින් රඟපාන දර්ශන දෙකක් මේ චිත්‍රපටයේ ඇතුළත් වෙනවා.” චිත්‍රපටයේ අධ්‍යක්ෂවරයා පැවසුවා.

ජූහි පවසන්නේ සංගීතය ඇගේ ජීවිතය සමඟ නිරතුරුවම සම්බන්ධ වී තිබෙන බවයි. කලකට පෙර ලන්ඩනයේ භාර්ති විද්‍යා භවන් ආයතනයට එක්වී පණ්ඩිත් විශ්ව ප්‍රකාශ් ගුරුතුමිය ගෙන් සංගීතය ඉගෙන ගත් බවත් ජූහි පැවසුවා. “මම හරිම සතුටෙන් ‘වෙරි ගුඩ් 10/10’ චිත්‍රපටයේ රඟපෑවා. මගේ රඟපෑම් රූගත කළේ උතුරු කර්ණාටක දිස්ත්‍රික්කයේ යලපුරා ප්‍රදේශයේ.” ජූහි, සුපුරුදු සුන්දර සිනහව නඟමින් පැවසුවා.

ජූහි, මීට පෙර කණ්ණඩ චිත්‍රපට කිහිපයකම රඟපා තිබෙනවා.

Wmqgd .ekSu is¿ñK mqj;a m; weiqfrks

More News »