Home / බොලිවුඩ් ගොසිප් / රාණි මුඛර්ජි ජනවාරියේදී මවු පදවියට

රාණි මුඛර්ජි ජනවාරියේදී මවු පදවියට

2015-12-01 10:53:00       651
feature-top
චොප්රා කියන වාසගම බොලිවුඩ් පුරයට ආගන්තුක නැහැ. මේ වාසගම යෙදෙන තවත් චොප්රා කෙනකු ළඟදීම මෙලොව එළිය දකින්නට බලා සිටිනවා. ඒ අයුරින් උපත ලබන්නේ පුතකු ද දියණියක ද යන්න තවම හෙළි වී නැහැ. මේ බිලිදා හෝ බිලිඳිය නිසා මවු පදවිය ලබන්නේ සුපිරු තරුවක්.

ඇය තමයි, රාණි මුඛර්ජි. ඇය සහ ඇගේ සැමියා, ප්‍රවීණ සිනමාකරු ආදිත්‍ය චොප්රා බලාපොරොත්තුව සිටින්නේ ලබන ජනවාරියේදී මේ සම්පත ඔවුනට හිමි වන තුරුයි.

පසුගිය දා රාණි මුඛර්ජිට හදිසියේම රෝහල් ගතවන්නට සිදුවුණා. දරුවකු ලැබෙන්නට සිටින ඇය මෙලෙස රෝහලට ඇතුළුවීම බොහෝ දෙනකුගේ අවධානයට ලක්වුණා. මේ ගැන දිගින් දිගටම විමසීම් කළ අයට රාණිගේ සමීපතමයන් කීවේ ඇයට තදබල අසනීපයක් නොමැති බවයි. ඇයට වෛද්‍ය උපදෙස් මත රෝහලේ කිහිප දිනක් රැඳී සිටිමින් විවේක ගත යුතු යැයි වෛද්‍යවරුන් උපදෙස් දී ඇති බව ඔවුන් පැවසුවා.

දින කිහිපයක්ම රෝහලේ නේවාසිකව ප්‍රතිකාර ගත් රාණිට ඉන් පසුව තම නිවසට යෑමට අවසර ලැබුණා. ඒ වුණත්, නිවසෙහි ඇයට උචිත කාමරයක් විශේෂයෙන් සකස් කෙරෙන තුරු තවත් දින කිහිපයක්ම රෝහලෙහිම ගත කිරීමට ඇයට සිදුවුණා. වෛද්‍යවරු ඇයට උපදෙස් දුන්නේ ඝෝෂාකාරී සහ දූවිලි සහිත පරිසරයකින් ඈත්ව සිටීම වඩාත් සුදුසු බවටයි.

රාණි සහ ආදිත්‍ය විවාහ දිවියට එළඹුණේ පසුගිය වසරේදීයි. මීට මාස කිහිපයකට පෙර මේ දෙදෙනා ලන්ඩන් නුවරට පැමිණි අවස්ථාවකදී වෛද්‍ය සායනයකට ගිය බවක් ආරංචි වුණා. ඒත් රාණි හෝ ආදිත්‍ය, ලන්ඩන් සංචාරය ගැන කිසිවක් නොකියන්නට වග බලා ගත්තා.

Wmqgd .ekSu isK mqj;a m; weiqfrks

More News »